Yangiliklar (for all)
«Корзинка» Koreya Respublikasi Qishloq xo‘jaligi, oziq-ovqat va qishloq ishlari vazirligi hamda KOTRA ko‘magida koreys mahsulotlari K-Corner’ning birinchi tor qismini ochdi
22 sentyabr kuni «Korzinka — Oybek» supermarketida «Korzinka» tarmog‘i va KOTRAning qo‘shma loyihasi bo‘lgan birinchi ixtisoslashtirilgan K-Corner torining rasmiy ochilishi bo‘lib o‘tdi. Hamkorlik doirasida tomonlar loyiha rivojiga doir shartnomani imzoladilar, bu esa tarmoq supermarketlarida asl koreys mahsulotlari assortimentini kengaytirish imkonini beradi.
Tadbirda Koreya Respublikasi elchixonasi, KOTRA va «Korzinka» supermarketlar tarmog‘i rahbariyati vakillari ishtirok etdi. Mehmonlar koreys oshxonasi ixlosmandlari uchun yaratilgan kornerning yangi formati va assortimenti bilan tanishdilar.
Loyiha g‘oyasi koreys kompaniyalarining UzFood ko‘rgazmasida ishtirok etishidan so‘ng paydo bo‘ldi. Ishga tushirish Koreya Respublikasi Elchixonasi, KOTRA savdo agentligi, Koreya Eksport-import banki va «Korzinka» o‘rtasidagi memorandum bilan mustahkamlangan hamkorlik doirasida amalga oshirildi.
Dastlab tarmoqdagi koreys assortimenti atigi bir nechta pozitsiya bilan, asosan gazaklar va tez tayyorlanadigan lapsha bilan taqdim etilgan edi. K-Corner tanlovni kengaytirib, xaridorlarga Koreyadan ko‘proq asl mahsulotlarni taklif etadi. Hozir korner javonlarida ko‘plab mashhur koreys mahsulotlari mavjud: Osiyo lapshasi, original ziravorlar, souslar va pastalar, gazaklar, dengiz karami, kunjut yog‘i, ichimliklar va boshqa mahsulotlar.
Yaqin vaqt ichida shunga o‘xshash kornerlar «Korzinka — Sayram» va «Korzinka — Kohinur» supermarketlarida ochiladi. Koreya Respublikasi Qishloq xo‘jaligi, oziq-ovqat va qishloq ishlari vazirligi hamda KOTRA ko‘magida amalga oshirilayotgan loyiha doirasida «Korzinka» bilan birgalikda yangi ta’mlarni kashf etish, uyda tanish taomlarni tayyorlash va original retseptlar uchun masalliqlarni topish imkonini beradigan qulay format yaratilmoqda.
Kompaniya haqida
«Korzinka» 1996 yilda tashkil etilgan. Hozirda tarmoq mamlakatning 12 hududida 290 dan ortiq nuqtani birlashtiradi: Korzinka supermarketlari, «uy yaqinidagi» formatdagi Korzinka Mahalla va Afzal Market do‘konlari, Korzinka Biznes ulgurji savdo do‘koni, shuningdek Korzinka Go onlayn-supermarketi.
KOTRA haqida
KOTRA (Koreya savdo va investitsiyalarni rag‘batlantirish agentligi) — 1962 yilda tashkil etilgan Koreya Respublikasi davlat tashkiloti. KOTRA koreys kompaniyalarining xorijiy bozorlarga chiqishiga, xalqaro savdo va investitsiyalar rivojiga, shuningdek Koreya Respublikasi va xorijiy mamlakatlar o‘rtasidagi iqtisodiy hamkorlikni kengaytirishga ko‘maklashadi. Toshkentdagi KOTRA vakolatxonasi koreys kompaniyalariga O‘zbekiston bozoriga chiqishda yordam beradi va Koreya Respublikasi hamda O‘zbekiston Respublikasi o‘rtasidagi savdo-iqtisodiy hamkorlikni rivojlantirish bo‘yicha turli loyihalarni amalga oshiradi.
Manba