Yangiliklar
O‘zbekiston parranda go‘shti eksportiga qo‘yilgan cheklovlarni bekor qildi
O‘zbekistonda 1 iyuldan parranda go‘shti eksportiga qo‘yilgan barcha cheklovlar (HS kodi 0207) bekor qilinadi. Bu Prezidentning 27-iyundagi Parrandachilikni qo‘llab-quvvatlash, zamonaviy genetik texnologiyalar va kooperatsiya tizimini joriy etish to‘g‘risidagi qarorida nazarda tutilgan, deb xabar qildi Adliya vazirligi.
Parranda go‘shti eksportiga ruxsat berish rejalari yaqinda davlat rahbari bilan bo‘lib o‘tgan yig‘ilishda ma’lum qilingan edi.
Prezident qarorlari asosida 2017-yil oxiridan boshlab chorvachilik, parranda va go‘sht eksport qilinadigan mahsulotlar ro‘yxatiga kiritildi.
Qarorga ko‘ra, parrandachilik mahsulotlarini ishlab chiqaruvchi tadbirkorlik subyektlari 2030-yil 1-yanvarga qadar yuridik shaxslardan yer solig‘idan (ekin maydonlari bundan mustasno) ozod etildi. ️
1 oktabrdan boshlab O‘zbekistonga yangi, sovutilgan yoki muzlatilgan go‘sht va parrandaning qo‘shimcha mahsulotlarini (tana go‘shti, qanot, orqa, bo‘yin, oyoq, baraban, son, qiyma va teri) olib kirish uchun belgilangan bojxona to‘lovlari imtiyozi bekor qilinadi. .
Qarorda kooperatsiya tizimiga asoslangan “Agroparranda klasteri” loyihasini amalga oshirish ham nazarda tutilgan.
